Gambar : nasional.kompas.com
Ta iem hai adoe bek tamoe sayang
Ta iem beurijang bek le tue isak
Lam gapiet ija mata tapeujam
Gata loen timang ngoen hate seusak
Loen doda ida meu doda idang
Tapet keuh rijang hai bungoeng Mata
Beuthat tan arah langkah tujuan
Gata beu teunang lam ningkue Cut da
Han pat taharap keurabat teuh tan
Sikandoeng badan meunoe laen teuh hana
Dua teuh hudep meu apet beuban
Tatanggoeng saban seunang ngon ngon duka
Andai na poma ngon ayah sajan,
Na keusempatan hudep teuh layak
Han payah meunoe jaroe tapadan
Meu keu peng jajan lam keh na soe sak,
Teutapi nasip meugrit kon wayang
Takdir suratan han ek soe tulak
Chit ka lagei nyoe tanyoe meulang lang
Sipanyang jalan jeut meujak meujak
alahai tuloe di poe dalam blang
watee uroe krang angen peu keupak.
saba hai adoe rangoe bek sajan
tanyoe hai sayang allah yang kheundak
kadang chiet singoh bungoh cahya trang
tanjoeng meunulang bungoeng meu kuprak
Nasib meu ubah hudep teuh senang,
Neubi le tuhan lam donya tajak,,
✿✿✿✿✿✿✿✿✿✿✿✿✿✿✿
Yang Mau Pantunnya Di Post, Silakan Post dalam Komentar di bawah
Panton Dari Kawan Fb